يكفي أن يحبك قلبها
بقلم_ولاءيحيي
الحلقه (٩)
وصل عمر وشريف وعماد المخزن …..اول ما دخلوا لقي 5 رجاله مربطين ومكتفين
شريف للامن : تسلموا يا رجاله
الامن : رجالتكم يا باشا ……احنا لقينهم بياخده الادويه وبيحطها في العربيات دي….ومعاهم بنزين وكانوا هيولعوا في المخزن
عمر يقرب منهم ويبصلهم : مين البعتكم
يسكته وميردوش
عماد : شكلكم حبين تشيلوا اليله لوحدكم……. انتم فاكرين البعتكم هيصرف علي بيوتكم وعيالكم …….. دا انتم هتتسجنوا من هنا…….. واهليكم وعيالكم مش هيلقوا حد يسأل عليهم…… ولا ياكلهم.. وولادكم هيطلعوت حرميه زيكم…… واللي بعتكم هيفضلوا بره قاعدين في مكاتبهم المكيفة ….ويحطوا فلوسهم في البنوك……. ويسافروا عيالهم يتفسحوا ويتعلموا بره……. وانتم عيالكم تضيع
واحد من العصابه بضيق : ما انتم كده او كده هتسلمونا…… وهنتسجن وعيالنا هضيعوا….. تفرقوا ايه عنهم يعني
عمر : انا عندي استعداد اتنازل واقف جنب الا عاوز يتوب منكم ……. ويشتغل وياكل ولاده بالحلال ……. انا هشغلوا وهوفر ليه حياة محترمه هو اولاده……. وهقف جمبه وجمب عيالو…. واللي عنده عيل شاطر في الدراسه او رياضه هقف معاه لحد ما يحقق حلمه…… ولا ملوش في التعلم هعلمه مهني……. بدل ما يطلعو زيكم…… والسجن يبقي مصيرهم
واحد منهم : واحنا ايه يضمن لينا….. الكلامك دا
شريف بضيق : وانتم ايه اللي ضمن ليكم كلام البعتكم تسرقوا وتحرقوا …… ما كده او كده هتدخلوا السجن ومستقبل عيالكم هيضايع……. لكن احنا رجاله وقد كلمتنا ……وهنقف معاكم لو عاوزين فعلا تتوبه وتعيشوا بالحلال و هناخد في عيالكم ثواب
واحد منهم: انا هقولك يا باشا ……ابرهيم عليوه هو البعتنا….. وطلب مننا نسرق الادويه…….. ونسيب الصناديق في المخازن عشان يتقال انها اتحرقت………. ونحط جردل البنزين ونعمل ماس كهربائي عشان المخزن ينتهي…..
عماد: وكنتم هتاخده الادويه علي فين
واحد منهم : كنا هنطلع بيهم علي شركة……………. ونسلمهم الادويه
عمر : ومين هيستلم منكم هناك
واحد منهم : صاحب الشركه بنفسه مستنينا في المخزن بتعه
عماد : حلو الكلام… هو يعرف شكلكم
واحد منهم : يعرفني انا يا باشا…….. عشان قبلته مره مع ابرهيم بيه…. وهم مستني مني تلفون
عماد : عمر تعال انت وشريف ……. عاوزكم
وياخدهم ويبعد عنهم شويه
عماد :دلوقتي انا ممكن اكلم هشام صاحبي…… هو ظابط في مباحث القاهره ……وارسيه علي الحكايه……. وخليه يعتبر الرجاله دول شهود عليهم……… بس كده خالكم هيتسجن …….لان اكيد صاحب الشركه هيعترف عليه
شريف بنرفزه : يتسجن……… مهو لازم يتربي
عمر بضيق : لا يا شريف عشان ماما…… وعشان ميتقلش ان احنا سجنا خالنا (ويبص لعماد) انت كلم صاحبك يمسك صاحب الشركه …. وهم بيسلموا الادويه…….. واحنا مش هنقدم بلاغ غير فيه هو……. وهنوصي الرجاله ميجبوش سيرت ابراهيم …… يمكن يتعدل لما يعرف ان احنا منعنا انه بتسجن…… مين عارف
وفعلا يتصل عماد بهشام …..ويتفق معه…… وتتحرك العربيات بصناديق فاضيه…… وعند الاستلام تهجم الشرطه ويمسكهم
وفي فيلا ابراهيم وهو بيتكلم في التلفون
ابرهيم بغضب : اتقبض عليهم ازاي …….ومين البلغ البوليس
(عمر و داخل الفيلا)
عمر بصوة عالي : انا البلاغات (ويسكت وابرهيم يحط السماعه)……. واكيد البوليس هيجي دلوقتي…… لما صحابك يعترف عليك
ابرهيم يرسم الجمود : صاحبي مين….. ويعترف علي ايه…. ايه الكلام الفارغ …. اللي بتقولوا دا
في الوقت دا ميرنا كانت نزله السلم…. وشافت عمر
عمر بسخريه: الانكار دا هينفعك….. لس عندهم هناك في القسم……. مع المجرمين والحرميه….. مش هنا
ميرنا باستغراب :في ايه…. وقسم ايه…… انتم بتكلموا عن ايه
عمر بزعيق : قولها….. قول لبنتك….. قولها انك رحت كلمتي عمتي اللي مقطعاني من سنين انا وبنتي……. وقولتلها كلام كدب وافتري عليه…….. وكانت بسببك هترفع قضيه وتاخد مني بنتي ……. قولها انك بعت ناس تسرق مخازن الادويه وتولع فيه …….واتفقت مع اكبر منافس ليه في السوق….. عشان توقعني وتبعله الادويه ….واخدت منه 10 مليون جنيه
ميرنا بتصنع الصدمة : لا طبعا ……بابي مستحيل يعمل كده
عمر بغضب : الرجاله اللي بعتهم واحنا مسكنهم……. اعترفه عليه ……وصاحب الشركه كمان اعترف……… وعمتي جيت عندي البيت……… وكانت ناويه تاخد ساندي…… بس ربنا ستر الحمد الله….. (ويبص لابرهيم) ….. انا بس عاوز اعرف بتعمل كده فينا ليه ….دا اخنا ولاد اختك
ابرهيم بغضب : عشان ارجعكم شحاتين زي ابوكم قبل ما يتجوز لو مكنش ابويا جوزه امل …. اللي باعت دهبها علشان تقف جمبه ………ماكنش عمل كل الفلوس دي …. وكان فضل شحات ……..كان فضل يكنس في الشوارع كندا…….. وفي الاخر وبعد الاختي عملته عشانه……… يرفض يشركني انا ….. ويروح يشارك عبد الحميد……. وانتم تكملوا بعده ……لا وكمان بتكملها….. و تسيب بنتي…….وعاوز تجوز واحده تانيه منهم……
ميرنا بتمثيل الدموع :ليه تعمل كده يا بابي……. عاوز تؤذي عمر…… انت مش عارفه انا بحبه ازاي …….وان اي حاجه تألموا تبقي بتموتني …..حرام عليك يا بابي…..
ابرهيم بتصنع الحزن وهو بيبصلها : يا بنتي دا فسخ خطوبته منك……. ورح يخطب واحد من الحرميه……. البيضحكه عليهم
ميرنا بحزن : المهم انه سعيد……. انا مش عاوزه غير سعادته …
عمر تأثير : انا مش هقدم فيك بلاغ……. والرجاله مش هيعترفوا عليك …….بس دا مش علشانك…….دا علشان صله الرحمه ……وعشان بناتك
ويخرج ويمشي……. وميرنا تبتسم بخبث
ابرهيم بضحك : بنت ابوكي……. ايه يا بت دا كله….. دا انا صدقتك
ميرنا ببتسامة شر : ولازم هو كمان يصادقني…… عشان لما يرجع يبوس رجلي…… ابقي اعرف اربيه
وفي فيلا عبد الحميد
امل بحزن : حسبي الله ونعمه الوكيل
ماجده : الحمد الله يا ولاد…… قدر ولطف …..وكويس انكم لحقتهم
تقي بضيق: بس كان لازم تبلاغوا عنه….. ويتقبض عليه…… دا معملش اعتبار لا لاخته…….. والا ولادها ولا لصله الرحم ودم تعمله انتم اعتبار ليهم ليه
ريم بحزن : يا تقي مهما حصل دا خالهم……. وان شاء الله ربنا هيهديه….. والنفوس هتهدي……. وهيعرف غلطه وهيعتذر
امل بحزن : ابرهيم عمره ما هيعتذر……. هو طول عمره اناني وطماع…….. مش مكفيه ميراثي اللي واخده مني…….. وانا مطلبتش بيه ……عاوز ياخد اللي عند ولادي…… يؤذيهم كمان
ماجده : ربنا يهدي ليه نفسه يا امل……… و يمكن يقادر العملوا الولاد علشانه النهارده ……. وييعد عنهم
شريف بضيق : والله لو عمل حاجه تاني…… ما هرحموا وهطلع الجديد واللي اقديم عليه…… وهسجنه عمره كله
عمر : خالص يا جماعه ……حصل خير وربنا لطف …..( ويبص لعماد) ….. واشكرلنا صحابك يا عماد…… بجد متاخرش لحظه علينا….
عماد ببتسامه : هشام دا صديق عمري……. من واحنا في البلد……. وجدع جدا ومبيحبش الفساد ……. انا عزمته علي العشا هنا بكرا…… دا بعد ازنكم طبعا……. عشان يتعرف عليكم ……
امل : اذن ايه يا عماد …….البيت بيتك يابني….. اعزم كل الانت عاوزه…….. وبعدين ودا اقل حاجه نقدمها ليه….. عشان نشكره
عماد ببتسامه : متشكر يا طنط (ويسكت شويه ويغير الموضوع لاحساسه بحزن امل )…..هي فين ساندي وحسن مش شايفهم……..
ريم : حسن بيذاكر ماده لامتحان بكرا……. وساندي كانت بتلون هي وسيمبا
ماجده : ما بتسيبش الكلب ابدا…….. بتاخده معاها حتي لما بتدخل الحمام…. لما هتجنني
عمر ببتسمه وهو بيبص لريم: بس عمري ما شوفتها فرحانه وسعيده زي الايام دي …. ريم بتعرف ازي تفرحها… عقبال ما تفرح وابوها …. وتحن عليه بكلم حنينه……..
الكل يضحك…. وريم ابتسمت وبصت للارض
و بليل سمر وميرنا وحازم….. مجتمعين ومعاهم الهكر
ميرنا : عاوزك تعمل الصور بطريق مظبوطه……. واهو عندك صورها مع اخوها كلها احضان وبوس…… هتشيل اخوها وتحط حازم مكانه…..
سمر : وتغير خلفيه المكان ………وبعدين عاوزين شويه كلام بينهم علي الايميلات ……..وموعيد قال يعني كانو بيتقابلوا فيها ….
حازم : بس الاول عاوزين بيت او شقه ……نستخدمها ونكتب عنوانها …..ويكون في مكان مقطوع…….. مش هينفع شقتي عشان…….. اليوم التيجي فيه……. لو صرخت الناس هتتلم…….. و هتبوظ الخطه
سمر : فعلا عاوزين مكان….. يكون في حتي بعيده…… ويبقي دي البيتقابله فيها ……ونكتبها في الرسايل عنوانه…. ونحطه في خلفيت الصور
ميرنا بخبث : انا عندي مكان….. انجي عندها فيلا في مزرعه في ………….. مكان هادي……….. وحاوليه زرع …….وكل الحاوليها فيلات ……اصحابه مبيروحش غير للاستجمام كل فتره……….. كنا بنروح نعمل سهرات هناك ……. هاخد من انجي المفتاح بتعها…….. وقولها اني هكون مع حد هناك……. وهي هتعرف البواب…… اللي بيشتغل هناك وهتبعده عن الفيلا وقتها…….. فمحدش ساعتها هيعرف يلحق الهانم…… حتي لو صرخة لصبح
سمر ببتسامه : قولي هو انت تعرف تغير رقم علي التلفون بس يبقي بنفس الاسم
الهكر : انا بعمل اي حاجه علي تلفونها دلوقتي بمزاجي…… اغير اقفله افتحه…… كله بقي علي اللاب قدمي
ميرنا : انتي عاوزه تغير رقم مين
سمر : رقم حسن اخوها ……. لازم يتغير يومها علي تلفونها ويتحط اي رقم…… احنا نشتريه ونقفلوا …… عشان لما نبعت ليها الرساله انها تلحقوا …….. اكيد اول حاجه هتعملها انها هتحاول تكلمه…….. وهتتصل بيه…… فلازم تتصل وميردش يا يبقي مقفول …..ساعتها يبقي مافيش قدمها غير انها تروح
حازم : طيب افرضي اتصلت بحد تاني عشان يروح معاها
الهكر : انا ممكن امنع وصلها لاي جهة اتصل…….. وخلي التلفون يسقط شبكه……… وكده اضمن حتي لو حد اتصل بيها ……يبقي تلفونها مغلق
سمر بخبث: يبقي كده الخطه ماشيه صح…….. يبقي معادنا كمان 4 ايام …….اخر يوم امتحانات اخوها…… وتكون انت ظبطت الصور والايميلات …….وانا اخدت تلفون عادل صاحبه ……ونتحرك كلنا في ثانيه واحده
الكل : اتفقنا
وتاني يوم في المستسفي….. هاله قعده مع سمر بتحاول تكسب ثيقتها…… وتعرف هي بتخطط لايه…… بس كل الامور عاديه وسمر مبتجبش سيرة حازم او ريم…….. بس وهم قعدين بيتفرجه علي مجلة للموضه…… تلفون سمر رن
سمر : ايوة يا ميرنا ازيك (وقامت واخدت التلفون…… ووقفت بره المكتب……. بس هاله قامت بشويش تسمع هي بتقول ايه)
سمر : حلو يعني وافقت…… طيب مليني عنوان الفيلا …. عشان ابعتوا لحازم
ميرنا :…………
سمر: تمام كده….. انا هتصل بحازم دلوقتي……. وابلغه العنوان عشان يحطوه في الايميلات ….. وانتي ابعتيلي صور المكان
هاله كانت بتسمع……. بس مش فهمه فيلا ايه وايميلات ايه البيتكلموا عليها……
سمر : ايوه يا حازم…….. خد عنوان الفيلا ……وابدأ شغل بسرعه ……..فيلا مزرعه ………. رقم 85 في……………..
هاله كانت بتسمع العنوان و بتطلعه المكان علي الابلكيشن علي تلفونها…….. عاوزه تعرف دا عنوان ايه …….بس مظهرش غير طريق لمزرع وبيوت …… لما لقيت سمر بتقفل التلفون….. رجعت مكانها بسرعه……
هاله لنفسها : ايه العنوان دا …….ومين ميرنا وايه علاقتها بحازم وسمر ……..وياتري الفيلا دي والايميلات ليها علاقه بريم…… بس انا مسمعتش اسم ريم في المكلمه…… هي بتقولو خلصوا شغل علي طول….. ما يمكن بيعمل مشروع سوا…. بعد ما حازم اترفد….. بس انا ليه قلقانه كده….. يارب استرها
وفي فيلا عبد الحميد …… علي العشا وصل هشام….. وتعرف علي عمر و شريف
عمر ببتسامه : انا مش عارف اشكرك ازاي…….. وخصوصا انك ساعدتنا ان احنا نخلي الرجاله دول شهود…… ويطلعو من القسم
هشام ببتسامه : مافيش شكر بينا ……وبعدين دا واجبي وشغلي……… بس انا بصرحه مش عارف انتم ليه قولتو انهم رجلتكم……. وبيشتغله معكم وكانو بينفذه اومرك……. عشان يوقعه صاحب الشركه
شريف : اولا عشان ميعترفش علي خالي……. مع ان انا كان نفسي يتعاقب ……بس عشان خاطر امي وصله الرحم…… وبعدين احنا وعدنهم…..ان احنا مش هنسجنهم……و نوفرلهم شغل محترم …….يعيشه منه هم واولادهم
هشام : بس اللي زاي دول الخيانه في دمهم …..وممكن يخونكم في اي وقت
عمر : بالعكس هم لما ننفذ وعدنا ليهم…….. ويشتغله شغل محترم ويطمنه علي ولادهم…….. هيبقي ولاءهم لينا …….وبعدين احنا مش هنمسكهم الشركه ……او اماكن يقدره يخوننا منها …..احنا هنشغلهم شغل بعيد عن اي طمع……. وهنعملهم رواتب محترمه…….هنساعد اولادهم ونعلمهم……… وعيننا هتفضل عليهم برده
هشام ببتسامه : اتمني يقدروا دا …..ويمشوا سليم …
(وتيجي ماجده وامل عليهم …وهم قاعدين )
ماجده ببتسامه : اهلا يا هشام يابني منورنا
هشام يقوم يقف : ربنا يخليكي يا ست الكل ……( ويقرب من ماجده ويبوس راسها) عمله ايه وازي صحتك
ماجده تطبطب علي كتفه : الحمد الله يا حبيبي ……وازاي الاهل كلهم
هشام وهو بيعقد : بخير الحمد الله
ماجده : دا هشام بقي يا امل…….. متربي مع عماد من وهو صغير…….. وطول ما عماد مسافر ……كل اسبوع اول ما ينزل البلد……… كان لازم يجيلي انا الاول ويطمن عليه…….
امل ببتسامه : اهلا وسهلا تشرفنا بيكي…….. ومتشكره جدا …..لوقفتك مع الولادي
هشام ببتسامه : متشكره علي ايه بس…….. دا واجبي يا فندم …….ووالله انا مبسوط اني تعرفت عليكم
امل ببتسامه : واحنا اكتر ……ومن النهارده انت واحد من ولادنا ……….وبيتنا مفتوح ليك في اي وقت
هشام ببتسامه : دايما عامر……. ومفتح بحسكم
ويفضله يتكلموا مع بعض…….. ويتعرفه اكتر وشويه …..وتيجي تقي
تقي :سلام عليكم
هشام يرفع عينه علي الصوة…… ويشوفها لثواني…… فينزل عينه علي طول
هشام ببتسامه : وعليكم السلام ورحمه الله وبركاته
تقي : اتفضلوا العشا جهز
ماجده : يلا يا ولاد…… اتفضل يا هشام يابني
(ويقومه كلهم علي السفره ويتعشو …….وبعد العشا هشام رح يغسل ايده…… ووهو خرج للجنينه خبط في تقي)
هشام بابتسامه : انا متأسف جدا……. ماخدتش بالي
تقي بابتسامه وكسوف : حصل خير اتفضل ……
هشام بأعجاب : حضرتك اخت عمر وشريف
تقي بكسوف : هم زاي اخواتي واكتر …….احنا متربين سوا ……بس انا بنت عمتهم
هشام ببتسامه : اتشرفت بيكي انسه …….
تقي بكسوف : تقي…… اسمي تقي…. بعد ازنك
وسبيته مشيت بسرعه وهي مبتسمه…… وهو فضل عينه عليها ……لحد لما اختفت ……ورح مكلم نفسه
هشام لنفسه وهو بيبتسم : شكلك هتجوز يا هشام …..وعقدتك هتنفك يابن المحظوظه
(وفي المطبخ )
ريم باستغراب : ايه مالك يا تقي…… مبتسمه كده ليه
تقي بسعاده مش عارفه سببها : اصلي مبسوطه اوي
ريم وهي بتقلد صوتها : ومبسوطه اوي ليه
تقي ببتسامه : مش عارفه…… بس مبسوطه وقلبي عمل يعمل……. بم تك توك
ريم باستغراب : لا والله
وتمر الايام عاديه……..و ريم وعمر علاقتهم بتقوي……… وهاله لسه بتحاول توصل سمر بتخطط لايه……… وكل يوم بتسمع مكلمات……… بس لسه مش فهمه حاجه ……. وقبل يوم من التنفيذ …… وفي النادي
سمر : مساء الخير
الكل : مساء النور
سمر : ازيك يا مايا
مايا بضيق :fine جي لميرنا
سمر وهي بتعقد جمبها : لا كنت هنا لمحتكم……… قولت اقعد معكم شويه …….امل هو فين عادل……. قال انه جي
مايا بغيظ : اممممم جي هناك اهو
عادل : مسا مسا علي احلي شباب
سمر : ايه ياعدوله……. اتاخرت ليه كده
عادل يعقد جمبها : وحشتك يا عسل
سمر بمايعه : طبعا يا حبي……. عمل ايه في الامتحانات
عادل : فل والبركه في مايا حبيبتي …….( ويمسك ايد مايا ويبوسها)……هي اللي عرفتني الطريق السهل
مايا بدله : عشان تعرف بس ……..مش تقولي مذاكر والكلام الفاضي دا …..
ويعقده يتكلمه شويه…… وسمر اول ما لقيت عادل ….انشغل واندمج مع اصحابه في الكلام
سمر بدلع : عدول هات فونك …….ها ابعتلك اغنيه حلوه اوي
عادل ببتسامه : الفون وصاحب الفون……. تحت امرك يا جميل
سمر تاخد الفون وتفضل تلعب فيه شويه…… لحد ما عادل رجع انشغل……. ونسي فقفلته وحطتها في شنطتها …..من غير ما حد يحس…….. وشويه وقامت مشيت ومعها تلفون عادل…….
في الفيلا ريم قعده بتلعب مع ساندي وهاجر …… فدخل عمر وشافهم ف ارح ليهم …..
عمر وهو بيعقد جمب ساندي …..وباصص لريم
عمر : ازيكم يا قمراتي
ريم ببتسامه : الحمد الله…… حمدالله علي سلامتك
عمر بحبه : الله يسلامك حبيبتي…. وحشتيني
ريم تكسف…. وتبص بعيد عنه وهي بتبتسم…. وهو عينه عليها وبيضحك علي كسوفها… ووشها اللي احمر
هاجر تقرب منه : شوفت عمر…… رسمتي احلي من ساندي….. وريم
عمر ببتسامه : الله جميله اوي…. يا جوجو واحلي منهم
ساندي بغيظ : لاااا لاااا……. انا تعتي احلي
عمر بضحك : انتم الاتنين حلوين
هاجر بغضب : لا انا احلي……… انا اللي كسب …..بتعتي احلي
عمر بستغراب : كسبتي ايه
ريم بضحك : اصلهم عاملين مسابقه…….. اللي رسمتها احلي…… هي اللي هتحمي سيمبا
عمر بضحك : يا دي سي سيمبا ……اللي كلكم مهتمين بيه طيب …….ايه رائيكم نعمل مسابقه تانيه
هاجر وساندي : ايه
عمر ببتسامه : اللي هيجري اسرع………و يساعد ماما امل وعمتو ماجده اكتر ……… هو اللي هيحمي سيمبا
هاجر و ساندي….. قاموا يجرو بسرعه ..وريم بتضحك عليهم……..ولسه هتقوم
عمر وهو بيقرب منها : ايه بقي علي فين …….( ويبصلها بحب) هو انا بوزعهم عشان اقعد معاكي …… تقومي انتي عاوزه تمشي وتسبيني…..
ريم بكسوف : هروح اشوف حسن
عمر بغيظ: هو مش خلاص خلص امتحانات
ريم ببتسامه : لا فضل بكرا….. عنده رسم كومبيوتر
عمر بضحك : وانتي هتزكري ليه رسم كومبيوتر ……( ويبصلها) بطلي تلكيك وخليكي قعده معايا
ريم بكسوف : مش بتلكك
عمر بحب : عارفه يا ريم……. اجمل حاجه فيكي كسوفك وبرائتك…….. وعنيك وجمالك ووو….
ريم بضحك : ايه دا كله……. ( وتبصله بحب) يعني مافيش حاجه فيه مش عجبك
عمر ببتسامه : بصرحه حاجه واحده بس
ريم بقلق : ايه هي
عمر بحب : انك بعيد عني ……..ومش قادر اقول كل الجويه برحتي ……. ولازم استني شويه عشان تكوني معايا
ريم ببتسامه وكسوف : قريب ان شاء الله
عمر ببتسامه : عارفه يا ريم……. انا في الاول اعجبت بيكي شكلا ……..شدتيني بنت جميله و جمال طبيعي مش مزيف ……محترمه بس في منتهي الشيكة…….. بس لما بدأت اتعمل معاكي ………وشوفت طيب قلبك ……..وانك لما بتحبي حد……. بتعملي كل حاجه عشان يكون سعيد…….و بحاجه بسيطه جدا ممكن تعمليه…… بس عشان انتي بتعمليها بكل الحب اللي في قلبك ……. فبتوصل ليهم بفرحه كبيره اوي وبتسعدهم …. من اول ما دخلتي بيتنا…. وسعادتنا كلنا زادت اوي بوجودك …. انا نفسي اقدر اسعدتك زي ما بتسعدينا كلنا
ريم ببتسامه: انا سعادتي بتكون مع سعادة الناس اللي بحبهم ……. ضحكة ساندي فرحه هاجر……. دي اجمل حاجه في الدنيا
عمر ببتسامه : طيب وانا
ريم تبتسم : انت هتعرف بس مش دلوقت
عمر بحب :ربنا يشفيكي يا طنط فاطمه……. وتيجي بسلامه واتجوزها بقي……… احسن انا خلاص مش قادر…. هتجنن
ريم تكسف وتقوم
عمر بضحك :الله…… انتي رايحه فين تاني
ريم بابتسامه : هشوف حسن ….. عندنا امتحان رسم الله ( وتمشي من قدمه بسرعه وهي بتضحك )….
عمر وهو بيضحك وينام علي الارض :اااااااااااه يارب……..عاوز اتجوزها بقي
وينتهي اليوم ويجي اليوم لتنفيذ الخطه 
ريم ونهي واقفين بيشتغلوا …….وريم سمعة صوة مسيتج علي تلفونها………. بس سابتها وكملة شغلها…….. بس لما فضيت شويه……. طلعت التلفون عشان تتصل بحسن وتطمن عليه……… لقيت مسيتج من عادل ….صاحب حسن
المسيتج
( انتي فين يا ابله ريم……. انا عمله اتصل يحضرتك التلفون بيديني مغلق ……..حسن بعد الامتحان قال انه ريح مع ناس اصحابه من النادي…… لفيلا في مزرعه اللي وجم خدوه بعربيات …….والعربيات كان فيها شباب وبنات……وهو وركب معاهم ….. ووهم ماشين سمعتهم بيقوله ليه النهارده هتجرب حاجات عمرك مجربتها ……. انا خايفه عليه اوي يا ابله ريم….. اتصلي بيه او رحيله احسن و الحقيه…… العنون هو مزرعه)
ريم قريت الرساله …….وقفت مصدومه وشهقت من الخوف علي حسن ……. وفضلت تحاول تتصل علي حسن بس تلفونه مش بيجمع …….نهي اخدت بالها
نهي بقلق : مالك يا ريم في ايه
ريم خدت شنتطها وطلعت تجري بسرعه وهي خايفه بتقول : حسن يا نهي…. حسن لازم لحقه
( وخرجت تجري بسرعه ……ونهي مش فهمه حاجه)
هاله دخلت المكتب….. سمعت سمر بتكلم في التلفون
سمر بضحكه وخبث : كله تمام يا حبي….. بعت الرساله من تلفون صاحب حسن اخوها…….وهي لسه نزله دلوقتي تجري ……وزمانها في الطريق للمزرعه …… وحازم زمانه وصل الفيلا هناك ……. ومستني القطه لما توصل……. علشان ينفذ ….( وتضحك اوي بشر) واخير هيوصل ليها ويأخذ اللي عاوزه من زمان …. وينتقهم منها علي رفده من الشغل
هاله سمعت كده طلعت تجري علي الصيدليه فوق
هاله وهي بتجري بخوف : ريم ريم
نهي بقلق : ايه يا هاله مالك
هاله بخوف وصريخ : فين ريم يا نهي
نهي باستغراب : نزلت من شويه تجري …..مش عارفه ليه وعمله تقول هلحق حسن…….
هاله بدموع تاخد شنطت نهي وتشدها : احنا لازم نلحقها يا نهي …….ريم هضيع عاملين مؤامره عليها….
نهي بخوف وهي بتجري معها : هم مين دول …..في ايه يا هاله فهميني
هاله بتشدها بسرعه : هقولك في الطريق ……..لازم نلحقها اجري يا نهي بسرعه …..
في الوقت دا وفي مكتب عمر
السكرتيرة : استاذ عمر…….. الظرف دا وصل دلوقتي ومكتوب عليه سري و هام جدا
عمر خد الظرف باستغراب : طيب اتفضلي انتي
عمر فتح الظرف….. لقي جوه صور لريم مع حازم……. في اوضاع حميمه جدا…….. وهي بشعرها وبتضحك وبلبس بيت …… ولقي اورق متصوره بسجل رسايل…… بينها هي وحازم و بمواعيد مقابلات…… ورسايل حب…
عمر بصدمه يقوم يقف : مستحيل…….. لا في حاجه غلط…. …..ريم مش ممكن تعمل كده
في الوقت دا جيتله رساله علي الموبيل ( ريم مع حبيبها في فيلا في مزرعه…………. رقم ……… لو عاوز تتاكد وتشوف بعينك روح ليهم هناك )
عمر خد الظرف وطلع يجري
وفي الوقت دا………. شريف وعماد كانوا بيشوفه مستشفي معروضه للبيع …….ووهو واقفين تلفون شريف رن
شريف ببتسامه : سلام عليكم…. ازيك يا دكتوره نهي
نهي بعيط شديد : استاذ شريف…….. الحق ريم بسرعه
شريف بخضه : مالها ريم يا نهي
نهي بدموع : ريم في مصيبه…… عاملين مؤمره عليها……. عشان ينتقموا منها……. بعتلها رساله ان حسن في خطر ……. و هي صدقت نزلت تجري……. عشان تلحقوا …… بس حازم مستنيها ……وناوي علي شر علشان ينتقم منها…… ارجوك الحقها بسرعه قبل ما يؤذيها
شريف يطلع يجري بسرعه بخوف وعماد يجري وراه
شريف بغضب : العنوان ايه ( وبعد ما عرف العنوان… قفل التلفون… ونزل جري علي عربيته…..)
عماد وهو بيجري : في ايه يا شريف
شريف يفتح العربيه…… ويركب هو وعماد ويجري بسرعه جدا……
شريف بغضب : ريم لازم نلحق ريم بسرعه
ريم وصلت بتاكسي قدم الفيلا ……..اللي كان طالع منها صوت اغاني عاليه جدا ……..لقيت البوابه الخارجيه مفتوحه ……فدخلت وهي بتبص حاوليها……… بس ملقيتش حد قدامها …….. فدخلت لجوي الفيلا ….. اللي لقيت بابها الجوه كمان مفتوح ………وصوت الاغاني عالي اكتر اول ما دخلت الفيلا الصوت وطي ….. وبقي هادي … وتسمع صوت ورها
حازم بخبث: اهلا يا قطه
ريم بتبص ورها لقيت حازم وقف
ريم بصدمه : حااااازم
حازم بابتسامه وهو بيقرب عليها ونظرت عنيه كلها شر وشهوانيه : اخير دخلتي المصيده
ريم خافت وبعدت عنه وهي بتزعق : انت عاوز ايه مني……. وفين حسن … اخويه فين…. انت عملت فيه ايه
حازم وهو بيقرب منها اكتر : مافيش حسن ……..فيه حازم وبس ….
ريم برعب وخوف : انت جيبني هنا ليه ……. واخويه فين….. انت عاوز ايه
حازم يهجم عليها : عاوزك انتي
ونعرف بكرا ريم هيكون ايه مصيرها …..وياتري هينقذها والا لا وياتري عمر هيعمل ايه
